Члены Браслаўскай раённай арганізацыі «Беларускае таварыства інвалідаў» і наведвальнiкі аддзялення сацыяльнай рэабілітацыі, абілітацыі інвалідаў Браслаўскага ТЦСАН далучыліся да агульнанацыянальнага праекта «Кожная пятніца – роднае, сваё!».
Кожную пятнiцу людзi з інваліднасцю натхняюцца спадчынай, пазнаючы пра беларускіх пісьменнікаў, паэтаў, спевакоў, айчынныя вырабы. Самай «салодкай» была пятніца, дзе людзі з інваліднасцю падчас арганізаванай у ТЦСАН сустрэчы даведаліся падрабязней пра прадукцыю Бабруйскай кандытарскай фабрыкі. Некаторыя арганізацыі раёна таксама запрашаюць людзей з інваліднасцю прыняць удзел у мерапрыемствах, прымеркаваных да гэтага праекта. Напрыклад, Браслаўская цэнтральная бібліятэка арганізуе для людзей з інваліднасцю «падарожжы» па родных мясцiнах. Слухачы пазнаюць цікавыя дэталі аб гістарычных каштоўнасцях і архітэктуры вёсак роднай Браслаўшчыны.
Людміла Сінкевіч
Источник: газета Вместе!
